0 Ораз Жандосов атындағы шағын орталықты орта мектебінде "Мектеп парламенті" президентінің сайлауы өткізілді. Сайлауға 5 үміткер қатысты. 70 оқушы өз таңдауларын жасап, үміткерлерге дауыс берді.

0 Ораз Жандосов атындағы шағын орталықты орта мектебінде 9 сыныптар арасында "А. Байтұрсынұлы және қазақ қоғамы" атты дөңгелек үстел өткізілді. 20 ғасырда азаттық пен бостандық жайында сөз болса алдымен ел мақтанышы, еркін ойлы Ахмет Байтұрсынұлы есімізге түсетіні анық. Мектеп кітапханашысы З. Апашева дөңгелек үстел барысында оқушыларға Ахметтің өмірі жайында біраз мағлұмат беріп, өз ойларымен бөлісті. Сондай -ақ Байтұрсынұлының саяси қызмет жолы мен қазақ тіліне қосқан үлесі жайында сөз қозғалды.

0 «Денсаулық күні» ұстаздар мен оқушылар спорт алаңына сапқа тұрғызылып, мектеп директорының міндетін атқарушы Бегімбаев Д.Д спорттық іс-шараларға қатысушыларды құттықтап, оқушыларды салауатты өмір салтын ұстауға, жеке бас гигинасын сақтауға, дене шынықтырумен спортпен шұғылдануға мектеп партасынан - ақ жаман әдеттерден аулақ болып, өскен ортадан тек қана жақсы әдеттерді бойына сіңіруге шақырды.
Дене шынықтыру пәнінің мұғалімдері: Малшыбаев Н, Қосжан Е, жарыстың өткізу ережесімен таныстырды. «Денсаулық күні» оқушылардың спорттық жаттығуларымен басталды.

0 Ораз Жандосов атындағы шағын орталықты орта мектебінде Қазақстан халықтарының тілдері күніне байланысты үштілдік оқыту бағдарламасына оқушылардың көзқарасын анықтап, олардың ойын білу, оқушыларды шешендікке баулу мақсатында "Үш тілде білім беру қажеттілігі" атты дебат сайысы өткізілді. Дебатқа 9-10 сынып оқушылары қатысып, жүлделі орынды 10 сынып оқушылары жеңіп алды.

0

0

0 Ораз Жандосов атындағы негізгі мектебі жанынан ашылған "Балдәурен" сауықтыру лагерьінде жоспарға сәйкес "Жол ережесін сақтайық" тақырыбында балалармен ойын-сауық іс-шарасы өтті.
Мақсаты: Балаларды жолда жүру ережесімен таныстыру, еске сақтауға үйрету, жол қауіпсіздігін, өз өмірлерін сақтай білуге тәрбиелеу.
Балалар белсенділік танытып, алғыс хаттармен марапатталды.
Мұражай— жәдігерлер мекені. Лагерь тәрбиеленушілерімен Шоқпар ауылдық мәдениет үйінде орналасқан мұражайға саяхат жасадық. Барлық балалар мұражайды үлкен қызығушылықпен аралады. Қасиетті өлкенің тарихымен танысып, ұрпақтан ұрпаққа мирас болып қалған құндылықтарды, тарихи жәдігерлерді қадірлеу керектігін ұғынды.

0 Ораз Жандосов атындағы негізгі мектебінің жанынан ашылған "Балдәурен" сауықтыру лагерьінде жоспарға сәйкес балалар жылына орай "Біз бақытты баламыз" тақырыбында балалар асфальтқа сурет салды.
Лагерь тәрбиеленушілер арасында 1001 мақал, 101 жұмбақ сайысы болып өтті. Мақсаты: ата-бабамыздан қалған өшпес мұра, қымбат қазынасы мақал-мәтелдер мен жұмбақтарды дәріптеу. Мақал-мәтел мен жұмбақтарды үйрете отырып, отан сүйгіштікке,ұлтжандылыққа, тұлғалы азамат болып өсуге тәрбиелеу. Балалар сайысқа белсене қатысып, алғыс хаттармен мараппатталды.

0 Мемлекет басшысы Қасым-Жомарт Тоқаев жаңа кірген 2022 жылды "Балалар жылы" деп жариялады. Осыған байланысты, 1-маусым "Балалар күні" мерекесіне арналып, Ораз Жандосов атындағы негізгі мектебінде "БАЛДӘУРЕН" жазғы сауықтыру демалыс алаңының ашылу салтанаты өткізілді. Мемлекеттік әнұранмен ашылған іс-шараны мектеп басшысы Д.Д.Бегімбаев пен қамқоршылық кеңесінің төрайымы Л.Д.Жақсыбаева балаларға ізгі тілегін білдірумен жалғастырды. Балалар ән айтып, әсем билерін биледі. Мереке соңында лагерь тәрбиешілерінің демеушілігімен балаларға балмұздақ таратылды.

0 Ораз Жандосов атындағы негізгі мектебінде бастауыш сынып мұғалімі Абсат Меруерт Берікқызының ұйымдастыруымен "Қош бол, бастауыш сынып" атты тақырыпта 4 сынып оқушылары бастауышпен қоштасу кешін өткізді. Кеш жоғары деңгейде өтті.
Білім негізі бастауыштан қаланады. 5 сыныпқа аяқ басқалы отырған оқушыларды жаңа қадамдарымен құттықтаймыз. Ұл-қыздарымыздың болашағы жарқын болсын.