Ораз Жандосов атындағы негізгі мектебінде Мемлекеттік рәміздерге 30 жыл толуына орай Рәміздер күні аталып өтілді. Қазақстан Республикасының мемлекеттік әнұраны орындалды.
Мемлекеттік рәміздер – Ту, Елтаңба және Әнұран Қазақстан Республикасының дербестігі мен тәуелсіздігін бүкіл әлемге танытушы әрі мемлекетіміздің өткені мен бүгіні және болашағы арасындағы сабақтастықтың жарқын көрінісі. Сондай-ақ рәміздер – халқымыздың мұқалмас рухын, қаһармандығы мен даналығын, асқақ арман-тілегін жеткізетін құнды белгілер. Тәуелсіздігіміз тұғырлы, егемендігіміз еңселі болу үшін біз өз елімізді, туған жеріміз бен Отанымызды ардақ тұтуымыз қажет. Оның ең алғашқы қадамы мемлекеттік рәміздерді құрметтеуден басталады.
Баршаңызды бүгінгі Мемлекеттік рәміздер күнімен шын жүректен құттықтаймыз! «Туы биік елдің – тұғыры биік» деген дана халқымыз. Бірлігіміз жарасып, еліміздің жарқын болашаққа бастар жолында нық қадам жасап, ынтымағы жарасқан ел болайық.
