0 "ҮЗДІК ҰСТАЗ-2022"

0 Ораз Жандосов атындағы шағын орталықты орта мектебінде «Ұстаздар күні» мерекесі қарсаңында «Ұстазыңды ұлықта» атты мектепішілік сурет байқауы ұйымдастырылып, өткізілді. Оқушылар тақырыпқа сай суреттер салды. Оқушылар сурет туындыларын салып қана қоймай, ішкі терең мән мағынасымен де бөлісті. Байқауға 3, 4, 5 сынып оқушылары қатыстырылды. Ұстаз еңбегінің қыр-сырларын ашатын суреттер балалардың эстетикалық талғамы жоғары, өрісі кең екендігін көрсетті.
Байқау нәтижесі бойынша 1 орынды Досмаил Арсылан иеленсе, 2 орынды Таңсықбай Жұлдыз, 3 орынды Абдрахман Айару иеленді. Жеңіске жеткен оқушылар алғыс хаттармен марапатталды, ынталандыру сыйлықтары берілді.

0 Ораз Жандосов атындағы шағын орталықты орта мектебінде 2022 жылдың 30 қыркүйек күні ұстаздар қауымының кəсіби мерекесіне орай "Ұстазыңды ұлықта" тақырыбында мерекелік іс-шара өтті. Іс -шараға ардагер ұстаздар шақырылды . Мереке мектеп директорының міндетін уақытша атқарушы Д.Д.Бегімбаев шақырылған қонақтар мен мектеп ұжымын құттықтауымен басталып, оқушылардың əн-жырымен ұласып, ұстаздарға тамаша əсер қалдырды. Мерекеге шақырылған ардагер ұстаздарға сый-сияпат көрсетілді.

0 Шоқпар ауылдық мәдениет үйінің ұйымдастыруымен 1 қазан Халықаралық қарттар күні мерекесіне орай Ораз Жандосов атындағы шағын орталықты орта мектебінің оқушыларының қатысуымен "Қарттарым-асыл қазынам" атты мерекелік сазды бағдарлама өткізілді. Шараға ауылымыздың ақсақалдары мен ақ жаулықты аналары шақырылды. Мерекелік іс-шара округ әкімі Р.Шоңбаевтың құттықтауымен бастау алды. Оқушылардың дайындаған мерекелік концерті көпшілікке көтеріңкі көңіл күй сыйлады.

0 "ҚАРТЫ БАРДЫҢ-ҚАЗЫНАСЫ БАР"

1 Қазан-қарттар күні мерекесіне орай "Қайырымды жүрек" акциясы негізінде мектебіміздің 8 сынып оқушылары жалғызбасты қарт Вяткина Нина апайдың үйіне көмек көрсетуге барды.

0 Ораз Жандосов атындағы шағын орталықты орта мектебінде қыздар жиналысы өткізілді.
Күн тәртібінде:
1.Қыздар ұйымының жұмысымен таныстыру.
2.Жалпы гигиена
3.Буллинг,кибербуллинг
4.Мектеп формасы
Тыңдалды:
1.Мектеп психологы Сейдехали Ж.С. 2022-2023 жылдың оқу жылында қыздар ұйымының төрайымын сайлау керектігі жөнінде айтып,оған мектептен лайықты оқушыны таңдау керектігін айтып өтті.
2.Мектеп медбикесі Омарова А.С. «Жеке бас гигиенасы» туралы баяндама оқыды.Баяндамада қыз балалардың жеке бас гигиенасын сақтау туралы ақпараттар мен жаңалықтармен бөлісті.
3.Мектеп психологы Сейдехали Ж.С. буллинг,кибербуллинг жайында баяндама оқып,буллингтің алдын қалай алуға болатыны жайлы ақыл-кеңестерімен бөлісті.
4.Мектеп тәлімгері Шалкинбекова А.Х. қыздардың сабақтан қалмауын,тәртібін,қыздардың жүріс-тұрысын қадағалап жүрулерін ұсынды.

0 Ораз Жандосов атындағы шағын орталықты орта мектебінде "Мектеп парламенті" мен "Жас ұлан" ұйымының кеңесі өткізілді. Кеңес барысында фракция мүшелері мен бөлімбасылар сайланды. Мектеп президенті мен Ұланбасына куәлік берілді. Жылдық жоспармен таныстырылды. Ұйым мүшелерінен сауалнама алынды.

0 Ораз Жандосов атындағы шағын орталықты орта мектебінде жалпы ата-аналар жиналысы өткізілді. Жиналысты мектеп директорының уақытша міндетін атқарушы Бегімбаев Данияр Данебекұлы бастап, жиналған жұртты жаңа оқу жылының басталуымен құттықтады. Жиналысқа мектеп әкімшілігі және ата-аналар қатысты.

0 "МЕКТЕП ПРЕЗИДЕНТІ" АНЫҚТАЛДЫ!

"Мектеп Президентінің" сайлау нәтижесі бойынша 8 сынып оқушысы Ақылбай Жанерке-12%, 9 сынып оқушысы Айтбек Ерасыл-14%, 9 сынып оқушысы Жәмшібек Айша-14%, 10 сынып оқушысы Серік Қорлан-43%, 10 сынып оқушысы Абдибекова Айша-17% дауыс жинады. 10 сынып оқушысы Серік Қорлан 43% көрсеткішпен "Мектеп Президенті" болып сайланды.

0 Ораз Жандосов атындағы шағын орталықты орта мектебінде "Мектеп парламенті" президентінің сайлауы өткізілді. Сайлауға 5 үміткер қатысты. 70 оқушы өз таңдауларын жасап, үміткерлерге дауыс берді.