1 қыркүйек- Білім күніне арналған «БІЛІМГЕ ҰМТЫЛУ, ЕҢБЕКСҮЙГІШТІК ЖӘНЕ ОТАНШЫЛДЫҚ» тақырыбында салтанатты мерекелік іс-шара өткізілді.
1 қыркүйек - әсіресе мектеп табалдырығын алғаш рет аттағалы тұрған, жаңа өмірге қадам жасаған бірінші сынып оқушылары үшін қуанышты күн.
Мерекелік жиынға ауыл әкімі Шоңбаев Рашит Саткенұлы, ақсақалдар алқасының төрағасы Шаймерденов Төлеухан Шаймерденұлы, қамқоршылық кеңесінің төрайымы Жақсыбаева Ләззат Дүйсетқызы қатысып, өз тілектерін білдіріп, бүлдіршіндерге батасын берді. Мектеп директорының уақытша міндетін атқарушы Бегімбаев Данияр Дәнебекұлы алғаш рет мектеп табалдырығын аттаған бүлдіршіндерді құттықтап, оқушыларды алдағы уақытта сапалы білім мен тәрбие алып, еліміздің патриоты болуға шақырды. Салтанатты іс-шарадан кейін 1-10 сынып жетекшілері сынып сағаттарын өткізді.
